Un curto sobre a perdida de l’aragonés gana o II Premio sobre a identidat aragonesa | Arredol.
Un curto sobre a perdida de l’aragonés gana o II Premio sobre a identidat aragonesa
Os alumnos de 4eno d’ESO d’informatica de l’instituto Tubalcaín han feito iste repaso sobre a historia de l’aragonés
Os alumnos premiaus con o suyo profesor
Hue, 21 de setiembre de 2012, arredol d’as once de o maitin, o Director Cheneral de Desarrollo Estatutario D. José María Bescós Ramón, acudirá ta l’Instituto d’Amostranza Secundaria Tubalcaín ta fer entrega de o segundo premio de o III Concurso escolar de videos sobre “A identidat aragonesa sieglo a sieglo” a la colla d’alumnos de 4eno d’ESO de l’asignatura d’informatica coordinaus por o suyo profesor Dabi Lahiguera Albericio.
O premio pende en 50 € ta os 24 alumnos participants y 1500€ ta l’instituto. O video, seguntes as bases de o concurso, ye un minicurto de 2 minutos que simula o trailer d’una cinta más larga sobre a perdida d’a luenga aragonesa, fendo un repaso a las fitas historicas que pueden ilustrar millor o cambio de a situación d’a nuestra luenga, dende a “oficialidat” dica la quasi desparición d’os nuestros días. De vez se fa un repaso de personaches relevants de l’estudio de l’aragonés como Jean-Joseph Saroïhandy, Francho Nagore, Ánchel Conte, Juan José Segura, etc.
